鬼故，從來都係口耳相傳。

細個嘅時候，長輩總係不厭其煩，叫我哋啲小朋友千祈唔好做呢樣嗰樣；
讀書嘅時候，校訓未必個個噏得出，校園靈異故事就個個都聽過；
後來大個咗，愈來愈發覺，都市嘅唔同角落，由倒垃圾嘅後樓梯、公廁，以至舊區停車場、工廠大廈，每一個地方，都好似潛藏住一個離奇嘅故事。

大家俗稱「鬼故」。
你好彩，聽返嚟嘅，係人哋親身經歷，而唔係自己經歷。
呢本書，集合咗我聽返嚟，同埋我經歷過嘅事件。
希望你睇完之後，下次到你撞到，都唔洗咁驚青嘛。

課室吊扇、睇樓怪事、鵝頸橋公廁、
亂紋身、二手車、工廈band 房、一樓一……

都市每個角落，都潛藏著一個離奇故事。
33 段恐怖經歷，
600,000 網民夜夜無眠爆驚追post。
睇到驚，跳上床，
上咗床，仲心寒。

六個章節，六種方法感受驚嚇
毛骨悚然撞到正經歷──換轉係你，你會點樣反應？
常常會到的地方──油麻地、樂富、荔枝角、旺角，你去過，有無見過……
口口口口衰多口──禍從口出，小心啲講嘢。
難以名狀的貼身感受──有時最得人驚嘅係，好近，好近……
口耳相傳──傳到今時今日，已經係另一層次嘅恐怖。
念念──有無諗過，鬼故都可以咁有感情？


作者簡介：

離奇家遮，自細見到「嗰味嘢」，現職地產經紀，想分享一下細細個見到嘅靈異事件，睇下有無同路人，同可能畀到少少幫助大家咁啫。