我好中意「粵語四大名著」呢個系列，由《粵語西遊記》開始買。見到《粵語紅樓夢》出版果陣，其實都有少少猶豫，因為我讀過《紅樓夢》，覺得個故事太過複雜，而且中間都有好多意識好似唔係太適合小朋友睇，同埋都覺得咁複雜既故仔，小朋友係咪真係睇得明。不過因為買開呢個系列，所以都有買埋呢本，諗住自己睇下啱唔啱小朋友先喇。不過又比我想像中好，都唔使擔心小朋友睇唔明個故仔。而且我好中意呢一本負責講故仔既果位主播，佢既配音好有趣，用唔同既聲音去演繹唔同既角色，老人家又好，後生女又好，都可以有唔同既聲音演繹到出來，比小朋友聽果陣，都聽得好開心。呢個「粵語四大名著」真係好值得推介。